Proxecto “Avaliación da situación actual dos polígonos empresariais de Narón e deseño dun plan de acción”
- Detalles
- Categoría: Portada
- Publicado el Jueves, 19 Diciembre 2019 12:53
- Escrito por ferrolterra
- Visitas: 595
O proxecto “Avaliación da situación actual dos polígonos empresariais de Narón e deseño dun plan de acción”, e un proxecto presentado pola AEF ao concello de Narón (cofinancia o proxecto) , que na súa primeira fase, tratou de obter e recompilar información actualizada da situación actual das áreas empresariais situadas no Concello de Narón e elaborar o correspondente informe. Así como, realizar unha xuntanza para presentar a información e recoller peticións dos empresarios situados nas diferentes áreas que participen na mesma.
O obxectivo principal do proxecto é coñecer a realidade actual dos polígonos situados no Concello de Narón: características, necesidades e potencialidades e procurar as melloras necesarias para favorecer o desenvolvemento socioeconómico do concello de Narón.
Son outros obxectivos:
- Dispor de información global da actividade económica dos polígonos.
- Programar melloras que contribúan a dinamización da actividade empresarial, ofrecendo lugares preferentes para o asentamento de actividades económicas.
- Favorecer a xestión da administración municipal ó contar con información real e actualizada.
- Facilitar a realización de análises económicos ligados ó territorio.
- Dar visibilidade ós polígonos cun dobre obxectivo: dar a coñecer as empresas asentadas e favorecer a chegada de novos proxectos empresariais
A Xuntanza cos empresarios tivo lugar o 18 de decembro, e contou coa asistencia do edil David Pita Breijo, responsable de Promoción e xestión de polígonos industriais, promoción económica e infraestruturas públicas.
